01:20
ProVaticanus
4,7M
SS. Pius PP. XII salutavit multitudinem ante Basilicam S. Mariae Majoris Romae. provaticanus.blogspot.com Pius Papa XII (nobili genere natus Maria Iosephus Ioannes Eugenius Pacelli, filius Marcantonii …Magis
SS. Pius PP. XII salutavit multitudinem ante Basilicam S. Mariae Majoris Romae.

provaticanus.blogspot.com

Pius Papa XII (nobili genere natus Maria Iosephus Ioannes Eugenius Pacelli, filius Marcantonii Pacelli die 2 Martii 1876 Romae — obiit die 9 Octobris 1958), papa catholicus, episcopus Romanus, ecclesiae catholicae praefuit quasi viginta annos, accurate a die 2 Martii 1939 usque ad mortem.

Eugenius Pacelli, filius gentis nobilis, anno 1899 sacerdos ordinatus est. Anno 1917 nuntius apostolicus in Bavaria, et anno 8 Iunii 1925 nuntius apostolicus pro tota Germania, factus est. Monaci Paschalina Lehnert cognovit, quae scriba a secretis suus usque ad mortem mansit. Anno 1929, a Pio XI cardinale creato, Romam translatus est, ubi in curia a die 7 Februarii 1930 secretarius status laboravit.

Die 2 Martii anno 1939 a collegio sancto in scrutinio tertio papa electus est. Sibi nomen Pium XII imposuit.

Anno pontificatu primo die 1 Septembris Bellum Orbis Terrarum II coepit. Post mortem (ab 1963), multi Pium XII Papam de sceleris Germanorum tacuisse obiecerunt, sed etiam Iudaeis exagitatis adiuverat. Dicitur quoque, ad maiora mala vitanda, tacere illo tempore melius fuisse quam reclamare; Bataviae autem reclamatio Ecclesiae etiam damno erat.

Anno 1949 Pius XII hominibus qui ad sententias communismi accesserant, sacra interdixit.

Die primo Novembris 1950, Pius XII dogma Assumptionis Beatae Virginis Mariae proclamavit in constitutione apostolica Munificentissimus Deus. Eodem anno sancto, post investigationes archaeologicas, sub altario basilicae Vaticanae, nuntiavit urbi et orbi sepulcrum Petri Apostoli repertum fuisse.

Cognomen suum erat "Pastor Angelicus" et saepius "Doctor universalis," quia scriptis de variissimis rebus.

Sepultus est proxime selpulcro Sancti Petri Apostoli, in Speluncis Vaticanis, prope capellam "ad caput" dictam.

www.youtube.com/ProVaticanus