02:48
VATICANUS. www.zazzle.com/ProVaticanus Status Civitatis Vaticanae, aut Civitas Vaticana (Italice: Città del Vaticano) est minima Europae mundique civitas, et Ecclesiae Catholicae Romanae sedes, intra …Magis
VATICANUS.

www.zazzle.com/ProVaticanus

Status Civitatis Vaticanae, aut Civitas Vaticana (Italice: Città del Vaticano) est minima Europae mundique civitas, et Ecclesiae Catholicae Romanae sedes, intra moenia urbis Romae (et ita enclave in Italia), scilicet in Monte Vaticano, ad dexteram fluminis Tiberis ripam, sita.

Caput est episcopus urbis Romae, Pontifex Maximus Sanctae Romanae Ecclesiae.

Forum Sancto Petro dicatum est Civitatis Vaticanae cor, e quo Basilica Sancti Petri magna cum cupula exsurgit. Inscriptiones Basilicae Sancti Petri:

IN HONOREM PRINCIPIS APOST[olorum] PAVLVS V BVRGHESIVS ROMANVS PONT[ifex] MAX[imus] An[no] MDCXII PONT[ificatu] VII

TV ES PETRVS ET SVPER HANC PETRAM AEDIFICABO ECCLESIAM MEAM ET TIBI DABO CLAVES REGNI CAELORVM

Historia Montis Vaticani iam a primaevis temporibus est nota. Diebus primis, haec urbis Romae pars ab Etruscis est habitata; sed, a Romanis capta, non ingrediebat in substantiam urbis, quae in altera ripa Tiberis crevit. Mortui a Romanis ibi sepeliebantur, et a Nerone circo construebatur. Ita intravit Mons Vaticanus in historiam mundi. Anno circa 65, Sanctus Petrus, apostolus Iesu Christi iam a tempore episcopus Romanus, secundum memoriam a maioribus posteris traditam, ductus est a Caesare Nerone in circo, et ibi crucifixus, capite ad terram verso. (Imperator voluit onus dare Christianis pro incendio quae urbem consumavit.) Probabiliter ea nocte, corpus apostoli susceptum a discipulis est sepultum in eodem monte, et post tempore, parvum locum memoriae est aedificatum.

Roma a Constantino capta, et religione Christiana liberata, imperator aedes dare in testimonium eius erga Christum devotionis voluit. Ita anno 324 basilicam ex devotione Sancto Petro super sepulcrum apostoli exstruit, quae exstabat sicut magnum opus ingenii Romani. Peregrini, qui iam a primis Christiani temporibus sepulcrum apostoli visitaverant, nunc coetum magnum formaverunt, et notus factus est Mons Vaticanus per totam orbem terrarum. Vaticanus tamen non fuit residentia paparum, nec Basilica Sancti Petri eorum fuit sedes cathedralis. Cathedra paparum fuit, et est, Archibasilica Sancti Ioannis in Laterano, etiam a Constantino effecta.

Imperio Constantinopolim translato et iam declinanti, Italia ordine carebat, et paulatim papae dominium etiam temporale adsumpserunt. Anno 756, rex Merovingius Pipinus nonnullam dedit terram Italicam in manus summorum pontificum, qui eam tenuerunt plus quam mille annos. Tempore confusionis, ea donatio stabilitatem dedit iis regionibus, et libertatem dedit Sanctae Romanae Ecclesiae; sed, secundum nonnullos, temporale curae Civitatis Ecclesiae onus spirituale Romanorum Pontificum ministerium opprimebat.

EXTRA CATHOLICAM ROMANAM ECCLESIAM NULLA SALUS.

www.twitter.com/ProVaticanus

www.youtube.com/ProVaticanus