Sogn Teodor, marter. pdf: cheu l'entira historia / Sogn Teodor, marter Ils 9 da november: Sogn Teodor, marter Sogn Teodor, quei taffer cavalier da Cristus, ei staus schuldau dils imperaturs Maximian …Daplü
Sogn Teodor, marter.
pdf: cheu l'entira historia / Sogn Teodor, marter
Ils 9 da november: Sogn Teodor, marter
Sogn Teodor, quei taffer cavalier da Cristus, ei staus schuldau dils imperaturs Maximian e Dioclezian. Sia patria era Amarea, in marcau digl Orient. Gia da giuven entra el tier l’armada romana. El zuppau fuva Teodor in cristian ed el viveva aschia ina veta zun exemplarica. Perquei tgisan ils ufficials il sogn als dus imperaturs. Sin quella tgisa lain ils ministers publicar in stregn decret che leventa si ina criua persecuziun denter la schuldada imperiala ed ils cristians. Teodor, scaldaus dalla carezia divina, po buca pli ditg mirar tier talas crudeivladads enviers ses confrars. Senza tema critichescha el aviartamein il decret dils imperaturs per malgests ed el vegni mai ad observar quels era buca sut peina da mort. Lu defenda e confessa il sogn Jesus Cristus per il sulet ver Diu ed el obedeschi agl imperatur mo cura che quel camondi caussas lubidas e gestas. Il derschader cun aunc biars auters smarveglian da tala tschontscha gagliarda. Damai che Teodor era in bi e ferm giuven, survegn el per quella gada la libertad. Quei denton cun la cunzina da sepertgirar da far talas tschontschas. Per buca piarder ditg temps e plaids, vul Teodor cun fatgs mussar siu desideri da bandischar ils fauls dieus. El arsenta in tempel ed en pign mument ei quel staus en tschendra. Teodor ei buca fugius ni sezuppaus, mobein cun taffer cor sepresentaus avon ils ravgiai pagauns e confessau ch’el hagi mess en tschendra quei tempel dils demunis. Sin quei meinan ils pagauns il sogn confessur da Cristus avon ils nauschs derschaders. Sia legreivla fatscha e las generusas rispostas fan bunamein tema a ses inimitgs che sespovan da puder volver el tier in sacrifezi a lur dieus. Mo tut adumbatten. Ina pli crudeivla tortura che l’autra suonda ussa. Aunc en quellas grevas uras aulza il sogn marter ses egls encunter tschiel e repeta cun fatscha sereina ils plaids da David: Jeu benedeschel tut temps il miu Signur, siu laud ei adina en mia bucca. Ils hentgers che pon buca pli, siaran il torurau e marterisau en ina stgira perschun per schar murir el da fom e seit. Mo aunc quella notg cumpara il Segner e confortescha siu survient culs plaids: Teodor, stai ferms, jeu sun cun tei, jeu vi spisgentar tei e dar a ti en tschiel la veta beada. La perschun ei stada sclarida marvigliusamein ed aunghels gidavan Teodor a cantar laud a Diu. La guardia che auda e vesa la cumpignia dil sogn marter va ed avisa quei al derschader. Quel sez vegn tier la perschun, mo anfla quella serrada e vesa negin auter che Teodor persuls en perschun. Ussa camonda el da dar al perschunier mintga di mo in ur paun cun in glas aua. Il sogn retscheiva buca quei, schend: Miu Segner Jesus Cristus vegn a mantener mei. Nuot po pli surventscher quei cor generus dil sogn marter. La finala metten ils hentgers il grond sog en in fiug. Cun ludar e benedir il bien Diu finescha il fidau confessur da Cristus la ruha battaglia ils 9 da november digl onn 304. La devoziusa dunna Eusebia anfla il sogn tgierp aunc bials, unscha quel cun cuisteivels etgs e satiara en sia atgna casa. Oz pretendan auters legendaris che quellas sontgas reliquias segien a Veniescha.
pdf: cheu l'entira historia / Sogn Teodor, marter
Ils 9 da november: Sogn Teodor, marter
Sogn Teodor, quei taffer cavalier da Cristus, ei staus schuldau dils imperaturs Maximian e Dioclezian. Sia patria era Amarea, in marcau digl Orient. Gia da giuven entra el tier l’armada romana. El zuppau fuva Teodor in cristian ed el viveva aschia ina veta zun exemplarica. Perquei tgisan ils ufficials il sogn als dus imperaturs. Sin quella tgisa lain ils ministers publicar in stregn decret che leventa si ina criua persecuziun denter la schuldada imperiala ed ils cristians. Teodor, scaldaus dalla carezia divina, po buca pli ditg mirar tier talas crudeivladads enviers ses confrars. Senza tema critichescha el aviartamein il decret dils imperaturs per malgests ed el vegni mai ad observar quels era buca sut peina da mort. Lu defenda e confessa il sogn Jesus Cristus per il sulet ver Diu ed el obedeschi agl imperatur mo cura che quel camondi caussas lubidas e gestas. Il derschader cun aunc biars auters smarveglian da tala tschontscha gagliarda. Damai che Teodor era in bi e ferm giuven, survegn el per quella gada la libertad. Quei denton cun la cunzina da sepertgirar da far talas tschontschas. Per buca piarder ditg temps e plaids, vul Teodor cun fatgs mussar siu desideri da bandischar ils fauls dieus. El arsenta in tempel ed en pign mument ei quel staus en tschendra. Teodor ei buca fugius ni sezuppaus, mobein cun taffer cor sepresentaus avon ils ravgiai pagauns e confessau ch’el hagi mess en tschendra quei tempel dils demunis. Sin quei meinan ils pagauns il sogn confessur da Cristus avon ils nauschs derschaders. Sia legreivla fatscha e las generusas rispostas fan bunamein tema a ses inimitgs che sespovan da puder volver el tier in sacrifezi a lur dieus. Mo tut adumbatten. Ina pli crudeivla tortura che l’autra suonda ussa. Aunc en quellas grevas uras aulza il sogn marter ses egls encunter tschiel e repeta cun fatscha sereina ils plaids da David: Jeu benedeschel tut temps il miu Signur, siu laud ei adina en mia bucca. Ils hentgers che pon buca pli, siaran il torurau e marterisau en ina stgira perschun per schar murir el da fom e seit. Mo aunc quella notg cumpara il Segner e confortescha siu survient culs plaids: Teodor, stai ferms, jeu sun cun tei, jeu vi spisgentar tei e dar a ti en tschiel la veta beada. La perschun ei stada sclarida marvigliusamein ed aunghels gidavan Teodor a cantar laud a Diu. La guardia che auda e vesa la cumpignia dil sogn marter va ed avisa quei al derschader. Quel sez vegn tier la perschun, mo anfla quella serrada e vesa negin auter che Teodor persuls en perschun. Ussa camonda el da dar al perschunier mintga di mo in ur paun cun in glas aua. Il sogn retscheiva buca quei, schend: Miu Segner Jesus Cristus vegn a mantener mei. Nuot po pli surventscher quei cor generus dil sogn marter. La finala metten ils hentgers il grond sog en in fiug. Cun ludar e benedir il bien Diu finescha il fidau confessur da Cristus la ruha battaglia ils 9 da november digl onn 304. La devoziusa dunna Eusebia anfla il sogn tgierp aunc bials, unscha quel cun cuisteivels etgs e satiara en sia atgna casa. Oz pretendan auters legendaris che quellas sontgas reliquias segien a Veniescha.