Sontga Lisabet, regina da Portugal. pdf: cheu l'entira historia /Sontga Lisabet, regina da Portugal Ils 8 da fenadur: Sontga Lisabet, regina da Portugal Sontga Lisabet ei naschida igl onn 1271 sco …Daplü
Sontga Lisabet, regina da Portugal.
pdf: cheu l'entira historia /Sontga Lisabet, regina da Portugal
Ils 8 da fenadur: Sontga Lisabet, regina da Portugal
Sontga Lisabet ei naschida igl onn 1271 sco feglia dil retg Pieder III d’Aragona. Quella naschientscha ei stada la caschun ch’ei ha puspei dau pasch denter bab e fegl. Da quella princessa ha il tat vuliu ver quitau e trer si cun dar buns exempels e metter en il bien sem. Il pli bugen urava ella il Babnos e mava en baselgia tier Nossadunna. Aschia carscheva ella en vertids ed urava gia cun 8 onns il brevier sco ils augsegners. Era steva ella bugen persula e retratga cun tener rigurusas giginas las vigelgias da Nossadunna. Quella schi virtuusa e biala princessa era lunsch entuorn enconuschenta e dils prencis garegiada per spusa. Siu bab ha fatg maridar ella gia cun 12 onns il retg Dionisi da Portugal. Sco regina leva ella buca mo plascher al retg, mobein era a Diu. Siu temps veva ella partiu en aschia ch’ella saveva ir a messa, urar il brevier, igl uffeci da Nossadunna, igl uffeci da morts e dasperas aunc guvernar la casa. Pertuccond la carezia proximala san ins cun raschun dir, ch’ella hagi giu pli grond quitau dils paupers, munglus e malsauns che da sesezza. Pertgei ella baghegiava casas e claustras per umens e dunnas e deva ton sco ella saveva als basignus. Tonta buontad ha Diu remunerau cun dar alla sontga regina la vertit da medegar entras veseivlas miraclas. Mo quei che fa smarvigliar fetg, ei la statteivladad e fideivladad dalla sontga regina viers siu um e retg Dionisi. Quel praticava amicezias cun autras femnas e veva cun quellas enzacons affons speras ora. Quei deva savens alla regina la caschun da sponder discusamein bia larmas avon Diu. La sontga dunschala mussava aunc lu tutta carezia enviers siu um e purtava era negina malaveglia encunter quellas dunnas. Ella pladeva quels affons tier las baselgias per schar crescher si el leu. La sontga regina ha era buca schau muncar d’urar per siu malfideivel um, entochen ch’el ei staus convertius e dau si sias amicezias e mussau fideivladad. Cun sia oraziun e veta sontga ha Lisabet pliras ga pudiu impedir uiaras e metter pasch denter retgs e prencis catolics. Igl onn 1325 ei retg Dionisi vegnius grev malsauns sin murir. La sontga dunna e regina ha tgirau el e buca bandunau siu mariu, entochen ch‘el ei buca staus preparaus per retscheiver ils sogns Sacraments e murir sco ver penitent. Gest leu ha ella tagliau giu a sesezza ils cavels, mess giu tut ornat da regina e sevestgida cul habit dallas penitentas da sontga Clara. En quei habit eis ella era ida alla sepultura da siu mariu e suenter a sogn Giacun da Compostella per far leu novas almosnas per l’olma da siu mariu. Lu eis ella turnada a casa e schau baghegiar a Coimbra ina gronda claustra da muniessas. Ella sezza ha priu suttetg en ina camona sper la claustra da sontga Clara per saver viver leu sia sontga veta. Cheu ha ella survegniu ina nauscha febra, retschiert ils sogns Sacraments e saviu che sia veta mondi gleiti a fin. Nossadunna ei lu cumparida e consolau la sontga. Cun fatscha legreivla ha ella saviu render si’olma al Scaffider ils 4 da fenadur digl onn 1336 en la vegliadetgna da 65 onns. Siu tgierp ei vegnius transportaus da Estremoz a Coimbra e satraus leu ella claustra da sontga Clara. Diu ha lu confirmau sia sontgadad cun biaras miraclas. Aunc suentar 300 onns ei siu tgierp vegnius anflaus bials ed entirs.
pdf: cheu l'entira historia /Sontga Lisabet, regina da Portugal
Ils 8 da fenadur: Sontga Lisabet, regina da Portugal
Sontga Lisabet ei naschida igl onn 1271 sco feglia dil retg Pieder III d’Aragona. Quella naschientscha ei stada la caschun ch’ei ha puspei dau pasch denter bab e fegl. Da quella princessa ha il tat vuliu ver quitau e trer si cun dar buns exempels e metter en il bien sem. Il pli bugen urava ella il Babnos e mava en baselgia tier Nossadunna. Aschia carscheva ella en vertids ed urava gia cun 8 onns il brevier sco ils augsegners. Era steva ella bugen persula e retratga cun tener rigurusas giginas las vigelgias da Nossadunna. Quella schi virtuusa e biala princessa era lunsch entuorn enconuschenta e dils prencis garegiada per spusa. Siu bab ha fatg maridar ella gia cun 12 onns il retg Dionisi da Portugal. Sco regina leva ella buca mo plascher al retg, mobein era a Diu. Siu temps veva ella partiu en aschia ch’ella saveva ir a messa, urar il brevier, igl uffeci da Nossadunna, igl uffeci da morts e dasperas aunc guvernar la casa. Pertuccond la carezia proximala san ins cun raschun dir, ch’ella hagi giu pli grond quitau dils paupers, munglus e malsauns che da sesezza. Pertgei ella baghegiava casas e claustras per umens e dunnas e deva ton sco ella saveva als basignus. Tonta buontad ha Diu remunerau cun dar alla sontga regina la vertit da medegar entras veseivlas miraclas. Mo quei che fa smarvigliar fetg, ei la statteivladad e fideivladad dalla sontga regina viers siu um e retg Dionisi. Quel praticava amicezias cun autras femnas e veva cun quellas enzacons affons speras ora. Quei deva savens alla regina la caschun da sponder discusamein bia larmas avon Diu. La sontga dunschala mussava aunc lu tutta carezia enviers siu um e purtava era negina malaveglia encunter quellas dunnas. Ella pladeva quels affons tier las baselgias per schar crescher si el leu. La sontga regina ha era buca schau muncar d’urar per siu malfideivel um, entochen ch’el ei staus convertius e dau si sias amicezias e mussau fideivladad. Cun sia oraziun e veta sontga ha Lisabet pliras ga pudiu impedir uiaras e metter pasch denter retgs e prencis catolics. Igl onn 1325 ei retg Dionisi vegnius grev malsauns sin murir. La sontga dunna e regina ha tgirau el e buca bandunau siu mariu, entochen ch‘el ei buca staus preparaus per retscheiver ils sogns Sacraments e murir sco ver penitent. Gest leu ha ella tagliau giu a sesezza ils cavels, mess giu tut ornat da regina e sevestgida cul habit dallas penitentas da sontga Clara. En quei habit eis ella era ida alla sepultura da siu mariu e suenter a sogn Giacun da Compostella per far leu novas almosnas per l’olma da siu mariu. Lu eis ella turnada a casa e schau baghegiar a Coimbra ina gronda claustra da muniessas. Ella sezza ha priu suttetg en ina camona sper la claustra da sontga Clara per saver viver leu sia sontga veta. Cheu ha ella survegniu ina nauscha febra, retschiert ils sogns Sacraments e saviu che sia veta mondi gleiti a fin. Nossadunna ei lu cumparida e consolau la sontga. Cun fatscha legreivla ha ella saviu render si’olma al Scaffider ils 4 da fenadur digl onn 1336 en la vegliadetgna da 65 onns. Siu tgierp ei vegnius transportaus da Estremoz a Coimbra e satraus leu ella claustra da sontga Clara. Diu ha lu confirmau sia sontgadad cun biaras miraclas. Aunc suentar 300 onns ei siu tgierp vegnius anflaus bials ed entirs.