Sogn Hipolit e sogn Cassian, marters. pdf: cheu l’entira historia Ils 13 d’uost: Sogn Hipolit e sogn Cassian, marters Sogn Hipolit ha sco sil di dad oz anflau quels scazis ch’el encureva da sogn Luregn …Daplü
Sogn Hipolit e sogn Cassian, marters.
pdf: cheu l’entira historia
Ils 13 d’uost: Sogn Hipolit e sogn Cassian, marters
Sogn Hipolit ha sco sil di dad oz anflau quels scazis ch’el encureva da sogn Luregn: buca scazis d’aur ed argien, mobein scazis dalla gloria celestiala. Sogn Hipolit sco capitani dalla guardia digl imperatur ei entras las miraclas da sogn Luregn vegnius convertius e battegiaus ensemen cun sia famiglia ed aunc 19 autras persunas. Suenter la conversiun daventa il sogn in aschi fervent survient da Diu ch’el vess dau la veta per amur da Jesus. Mo Diu ha disponiu auter. Hipolit ei staus presents al marteri da sogn Luregn ed era satrau il sogn. Tut quei vegn ad ureglia agl imperatur Valerian. Lez tarmetta enzacons schuldaus che peglian il capitani gest il mument ch’el sepervergiava. Ligiaus meinan ils sbiers el avon igl imperatur che di: Jeu vai marveglias sche era ti eis in da quels striuns sco quei Luregn che ti duesses haver satrau. Hipolit rispunda: Igl ei ver, jeu hai satrau siu tgierp, denton buca sco striun, mobein sco cristian. Sin quella risposta sfraccan ils sbiers ad el bucca e missiala. Valerian surdat ussa Hipolit al derschader cun il camond da confiscar tutta rauba e lu far murir il sogn capitani. Immediat tarmetta il derschader ses ministers en casa da Hipolit nua che la famiglia sesanflava. Valerian vul saver tgei resoluziun els veglien prender ensemen cun Hipolit: Pia adurar ils dieus ni retscheiver las torturas. La risposta ei gleiti stada fatga. Hipolit confessa Cristus per ver Diu e vul saver nuot dils dieus fauls. Sin quei stendan ils sbiers ora il sogn nius sin la tiara e petgan el zun crudeivlamein cun bastuns e tortas da spinas. Duront quella tortura engrazia e lauda il sogn Diu da saver pitir per amur sia. Vesend Valerian ch’el possi buca volver quella cumpignia cristiana, ha el fatg menar tuts ord il marcau. En preschientscha da Hipolit lai il tiran scavazzar l’entira famiglia. El sez ligian ils hentgers vid las cuas da quater cavals muotis e lai scarpar il sogn en tocs. Aschia ha quella benedida famiglia giu la ventira dad esser en in di encorunada cun la victoriusa palma dil marteri e contonscher ils scazis perpetens, sco sogn Luregn veva giu empermess. Sil di dad oz vegn era fatg memoria da sogn Cassian ch’ei staus uestg dalla diocesa Sabiona nua ch’igl uestg da Brixa veva giu sia residenza. Cun sia ductrina e sia veta exemplarica ha quei sogn prelat convertiu biars tier la vera cardientscha ed era baghegiau leu ina baselgia en honur da Nossadunna. La finala catschan ils pagauns sogn Cassian ord la tiara. Sin via viers Ruma seferma el ad Imola en la provinzia Romagna. Vesend quei pievel aunc sesurdasus allas religiun pagauna, ha el priu avon da sez prender a mauns quei pievel tschiec cun dar scola e mussar alla giuventetgna ils misteris dalla cardientscha catolica. Vargau in temps, vegn quei ad ureglia al guvernatur pagaun. Sogn Cassian sto cumparer avon il derschader e seschar examinar, tgi el seigi e tgei ductrina ch’el detti alla giuventetgna. Il sogn confessa cun ferma vusch ch’el seigi in cristian e muossi als affons d’enconuscher Jesus Cristus, morts vid la crusch per il spindrament dil mund. Sinquei lai il derschader pagaun ligiar Cassian cun peis e mauns vid ina petga per schar mudergiar ils scolars. Quella sfarfatga buobanaglia ha giu il plascher da torturar e mudergiar lur stregn scolast ed uestg, entochen ch’el ha rendiu siu spért al divin scaffider. Quella tortura ei stada ils 13 d’uost entuorn igl onn 360. Per ventira ha sogn Cassian enstagl dalla pagaglia dil mund, retschiert la cruna dil marteri enta parvis. Sur sia fossa ei lu vegniu baghegiau egl 11 avel tschentaner l’emprema catedrala dil marcau che porta il num San Cassiano.
pdf: cheu l’entira historia
Ils 13 d’uost: Sogn Hipolit e sogn Cassian, marters
Sogn Hipolit ha sco sil di dad oz anflau quels scazis ch’el encureva da sogn Luregn: buca scazis d’aur ed argien, mobein scazis dalla gloria celestiala. Sogn Hipolit sco capitani dalla guardia digl imperatur ei entras las miraclas da sogn Luregn vegnius convertius e battegiaus ensemen cun sia famiglia ed aunc 19 autras persunas. Suenter la conversiun daventa il sogn in aschi fervent survient da Diu ch’el vess dau la veta per amur da Jesus. Mo Diu ha disponiu auter. Hipolit ei staus presents al marteri da sogn Luregn ed era satrau il sogn. Tut quei vegn ad ureglia agl imperatur Valerian. Lez tarmetta enzacons schuldaus che peglian il capitani gest il mument ch’el sepervergiava. Ligiaus meinan ils sbiers el avon igl imperatur che di: Jeu vai marveglias sche era ti eis in da quels striuns sco quei Luregn che ti duesses haver satrau. Hipolit rispunda: Igl ei ver, jeu hai satrau siu tgierp, denton buca sco striun, mobein sco cristian. Sin quella risposta sfraccan ils sbiers ad el bucca e missiala. Valerian surdat ussa Hipolit al derschader cun il camond da confiscar tutta rauba e lu far murir il sogn capitani. Immediat tarmetta il derschader ses ministers en casa da Hipolit nua che la famiglia sesanflava. Valerian vul saver tgei resoluziun els veglien prender ensemen cun Hipolit: Pia adurar ils dieus ni retscheiver las torturas. La risposta ei gleiti stada fatga. Hipolit confessa Cristus per ver Diu e vul saver nuot dils dieus fauls. Sin quei stendan ils sbiers ora il sogn nius sin la tiara e petgan el zun crudeivlamein cun bastuns e tortas da spinas. Duront quella tortura engrazia e lauda il sogn Diu da saver pitir per amur sia. Vesend Valerian ch’el possi buca volver quella cumpignia cristiana, ha el fatg menar tuts ord il marcau. En preschientscha da Hipolit lai il tiran scavazzar l’entira famiglia. El sez ligian ils hentgers vid las cuas da quater cavals muotis e lai scarpar il sogn en tocs. Aschia ha quella benedida famiglia giu la ventira dad esser en in di encorunada cun la victoriusa palma dil marteri e contonscher ils scazis perpetens, sco sogn Luregn veva giu empermess. Sil di dad oz vegn era fatg memoria da sogn Cassian ch’ei staus uestg dalla diocesa Sabiona nua ch’igl uestg da Brixa veva giu sia residenza. Cun sia ductrina e sia veta exemplarica ha quei sogn prelat convertiu biars tier la vera cardientscha ed era baghegiau leu ina baselgia en honur da Nossadunna. La finala catschan ils pagauns sogn Cassian ord la tiara. Sin via viers Ruma seferma el ad Imola en la provinzia Romagna. Vesend quei pievel aunc sesurdasus allas religiun pagauna, ha el priu avon da sez prender a mauns quei pievel tschiec cun dar scola e mussar alla giuventetgna ils misteris dalla cardientscha catolica. Vargau in temps, vegn quei ad ureglia al guvernatur pagaun. Sogn Cassian sto cumparer avon il derschader e seschar examinar, tgi el seigi e tgei ductrina ch’el detti alla giuventetgna. Il sogn confessa cun ferma vusch ch’el seigi in cristian e muossi als affons d’enconuscher Jesus Cristus, morts vid la crusch per il spindrament dil mund. Sinquei lai il derschader pagaun ligiar Cassian cun peis e mauns vid ina petga per schar mudergiar ils scolars. Quella sfarfatga buobanaglia ha giu il plascher da torturar e mudergiar lur stregn scolast ed uestg, entochen ch’el ha rendiu siu spért al divin scaffider. Quella tortura ei stada ils 13 d’uost entuorn igl onn 360. Per ventira ha sogn Cassian enstagl dalla pagaglia dil mund, retschiert la cruna dil marteri enta parvis. Sur sia fossa ei lu vegniu baghegiau egl 11 avel tschentaner l’emprema catedrala dil marcau che porta il num San Cassiano.