Pader Jacek Kubica banduna la Lumnezia

Pader Jacek Kubiza (detg: Jatsec Kubitsa), oriunds dalla Pologna e cummember dalla Congregaziun sacerdotala dil Sogn Cor d’Jesus, va naven. Ils davos 11 onns ha el pastorau a Lumbrein. Avon entgins onns haveva el era surpriu la pleiv da Vrin.

Essend el sez aunc giuvens, eis el staus beinvesius a Lumbrein buca mo dalla giuventetga. El ha denton buca mo plaschiu alla glieud, mobei era a Diu.

Aschia ha el buca cuschiu cura quels da Vrin han fatg tscheiver duront la cureisma. Malgrad ch'el ei adina staus per la pasch, eis el denton vegnius tractaus maltschecamein e cun garmaschia. Quei ei deplorablamein la tenuta en biaras pleivs moribundas sin intschess romontsch.

Pader Jacek serenda uss en Val d'Alvra, ad Alvaschein. Possi il Segner dar ad el bia forzas per la lavur che spetga el leu en in’autra pleiv moribunda.

Il maletg muossa gl'intern dalla baselgia da s. Martin a Lumbrein.

1Condividere5 1K

Abramo13 anni fa

Cu la casa brischa e las flommas vegnan ord la fenestra, schein nus lu era "Lein rugar"? Na, nus mein e clamein ils pompiers ed entschavein da spindrar quels che greschan. Ella baselgia ch'ei en flommas, dian tuts "Lein rugar" - e negin cloma ils pompiers, negin semetta a salvar. Ins spera che tut resti ruasseivel e che negin sefetschi en che la baracca brischa.

Abramo13 anni fa

Virgina: Engraziel per quella biala poesia.

Mi piace

Virgina13 anni fa

L'oraziun en familia,ei la megliera medischina!

Mi piace

Bistgaun13 anni fa

Lein rugar

Mi piace

Virgina13 anni fa

Lein rugar per nossas pleivs moribundas!
Jesus ti eis tutpussents,mo ti sas clamar
ord nies miez clamadas sacerdotalas.
Ferms giuvens ch'ein promts da sedefender
per nossa baselgia!
Spirituals che ein pleins dil Spert Sogn,-
ed amurai en Tiu plaid, ed en la Sontga Eucaristia.
Regala a nus spirituals che uran senza mirar sil'ura.
spirituals che carezan la giuventetgna,ils paupers ed ils malsauns.
Spirituals che muossan carezia e misericordia per
la miseria da quei pauper mund.
Spirituals che vivan en paupradat digl Envangieli.
Spirituals cun in grond cor,semeglionts a Tiu cor.
Tals che ein statteivels e ferms, ed annunian gest e clar
il plaid da Diu e vivan era quel.
Maria mumma dils spirituals e mumma dalla baselgia,
implora per agid urgent tier Tiu Sogn Fegl,Jesus Cristus.AMEN

Mi piace